ياعينى على القرد دة

مرة كان في قرد محظوظ و قرد منحوس وكانوا عايزين ياكلوا من الموز اللي علي الشجرة

فالقرد المحظوظ قال للقرد المنحوس ..
انا هاطلع اجيب سباطة موز و انت استنى تحت

طلع القرد المحظوظ و حدف للمنحوس موزه
اصحاب الشجرة شافو القدر المنحوس
و هو واقف تحت الشجره و معاه موزه فمسكوه و ضربوه

وجه تاني يوم فالقرد المحظوظ قال للقرد المنحوس انا هاطلع اجيب سباطة موز تانى
فاصحاب الشجرة شافو القرد المنحوس تحت فمسكوه و ضربوه

في اليوم التالت برضه القرد المحظوظ طلع الشجرة و المنحوس اتمسك تحت الشجره وخد علقه

فى اليوم الرابع القرد المنحوس قال للقرد المحظوظ
أنا هاطلع المره دي بقى و خليك انت تحت
علشان انا كل يوم الجماعة اصحاب الشجرة يضربونى

فالقرد المنحوس طلع الشجرة فإبن صاحب الشجره رايح يمسك القرد المحظوظ اللي واقف تحت علشان يضربه

أبوه قاله
سيبوا اللي تحت ده كل يوم بنضربه هات ابن الكلب اللي فوق ده .